ⴰⵍⴱⵓⴹ:ⵜⴰⵙⵏⴰ ⵏ ⵓⵙⵏⵓⴱⴳ/ⵜⴰⵍⴳⴰⵎⵜ ⵜⵓⴼⵔⵉⵏⵜ
![](http://upload.wikimedia.org/wikipedia/commons/thumb/9/95/%E2%B4%B0%E2%B4%BC%E2%B5%89%E2%B5%8D%E2%B5%8E_%E2%B5%8F_%E2%B4%B1%E2%B5%93%E2%B5%9C%E2%B4%BC%E2%B5%93%E2%B5%8F%E2%B4%B0%E2%B5%99%E2%B5%9C_%E2%B4%B7_40_%E2%B5%8F_%E2%B5%93%E2%B5%8E%E2%B4%B0%E2%B4%BD%E2%B5%94.png/220px-%E2%B4%B0%E2%B4%BC%E2%B5%89%E2%B5%8D%E2%B5%8E_%E2%B5%8F_%E2%B4%B1%E2%B5%93%E2%B5%9C%E2%B4%BC%E2%B5%93%E2%B5%8F%E2%B4%B0%E2%B5%99%E2%B5%9C_%E2%B4%B7_40_%E2%B5%8F_%E2%B5%93%E2%B5%8E%E2%B4%B0%E2%B4%BD%E2%B5%94.png)
ⵙⵙⵉⵏⵉⵎⴰ ⵜⴰⵎⴰⵣⵉⵖⵜ ⵜⴳⴰ ⵙⵙⵉⵏⵉⵎⴰ ⴷⴰ ⵉⵙⴰⵡⵡⴰⵍⵏ ⵙ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ. ⵜⵓⴷⴷⵎⴰ ⵏ ⵙⵙⵉⵏⵉⵎⴰ ⵜⴰⵎⴰⵣⵉⵖⵜ ⵜⵍⵍⴰ ⴳ ⵓⵙⴳⴳⴰⵙ ⵏ 1934 ⵙ ⵍ ⵏ ⵉⵟⵟⵓ, ⴰⴼⵉⵍⵎ ⴰⴷ ⴰⴽⴽ ⵉⵣⵡⴰⵔⵏ ⵉⵙ ⴷ ⵉⴼⴼⴰⵖ ⵙ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ, ⴰⵔ ⵉⵙⴰⵡⵡⴰⵍ ⵙ ⵜⴰⵏⵜⴰⵍⴰ ⵜⴰⵛⵍⵃⵉⵜ, ⴰⵙⵓⵍⴼ ⵏ ⴰⴼⵉⵍⵎ ⴰⴷ ⵉⵍⵍⴰ ⴳ ⵉⴷⵔⴰⵔⵏ ⵏ ⵡⴰⵟⵍⴰⵙ ⵎⵇⵇⵓⵔⵏ, ⵉⵎⵙⵙⵓⴼⴰⵖ ⵏⵙ ⴳⴰⵏⵜⵏ ⵊⵓⵏ ⴱⵉⵏⵡⴰ ⵍⵉⴼⵉ, ⵎⴰⵕⵉ ⵉⴱⵛⵜⴰⵢⵏ ⴷ ⵄⴱⴷⵍⵍⴰⵀ ⴰⴳⵍⴰⵡⵡⵓ. ⴰⴼⵉⵍⵎ ⴰⴷ ⵉⴳⴰ ⵜⴰⵢⴰⴼⵓⵜ ⵏ ⵓⵎⵢⴰⵡⴰⵙ ⵉⵏⴳⵔ ⵉⴼⵕⴰⵏⵚⵉⵚⵏ ⴷ ⵉⵎⴰⵣⵉⵖⵏ ⵏ ⵍⵎⵖⵔⵉⴱ .
ⵜⵓⴷⴷⵎⴰ ⵏⵖ ⵍⴱⵉⴷⴰⵢⴰ ⵏ ⵙⵙⵉⵏⵉⵎⴰ ⵜⴰⵎⴰⵣⵉⵖⵜ ⴳ ⵜⵎⴰⵣⵉⵔⵜ ⵏ ⵙⵓⵙ ⵜⵍⵍⴰ ⴳ ⵓⵙⴳⴳⵡⴰⵙ ⵏ 1934 ⵙ ⴰⴼⵉⵍⵎ ⵍⵍⵉ ⴰⴽⴽ ⵉⵣⵡⴰⵔⵏ ⵏ ⵜⵓⵜⵍⴰⵢⵜ ⵜⴰⵛⵍⵃⵉⵜ ⴰⴷ ⵜ ⵉⴳⴰⵏ ⴷ ⵍⴼⵉⵍⵎ ⵏ "ⵉⵟⵟⵓ", ⵉⴼⴼⴰⵖ ⴷ ⵍⴼⵉⵍⵎ ⴰⴷ ⵙ ⵓⵎⵢⴰⵡⴰⵙ ⵏ ⵉⵎⴰⵣⵉⵖⵏ ⴷ ⵉⵕⵓⵎⵉⵏ, ⵎⴰⵔⵉ ⵉⴱⵛⵜⴰⵢⵏ ⴷ ⵊⵓⵏ ⴱⵉⵏⵡⴰ ⵍⵉⴼⵉ , ⵉⵜⵜⵓⵚⵡⵡⴰⵕ ⵍⴼⵉⵍⵎ ⴰⴷ ⴳ ⵜⵎⴷⵉⵏⵜ ⵏ ⵜⴰⵍⵉⵡⵉⵏ ⴷ ⵜⵙⴳⵉⵡⵉⵏ ⵏⵏⵙ. ⵉⵍⵎⵎⴰ ⴳ ⵓⵙⴳⴳⴰⵙ ⵏ 1989 ⵉⴼⴼⴰⵖ ⴷ ⵍⴼⵉⵍⵎ ⵏ " ⵜⴰⵎⵖⴰⵔⵜ ⵏ ⵡⵓⵔⵖ " ⵍⵍⵉ ⴷ ⵉⵙⵙⵓⴼⵖ ⵙⵙⵉ ⵃⴰⵙⴰⵏ ⴱⵉⵣⵉⴽⴰⵔⵏ (ⵉⴹⴼⴰⵕ ⵜ ⵍⴼⵉⵍⵎ ⵏ ⵜⴳⵉⴳⵉⵍⵜ ⴳ ⵓⵙⴳⴳⴰⵙ ⵏ 1993), ⴰⵡⵙⵏ ⴳⵉⵙ ⴽⵉⴳⴰⵏ ⵏ ⵉⵏⴰⵥⵓⵔⵏ ⵉⵎⴰⵣⵉⵖⵏ. ⵉⵙⴰⵡⵍ ⴷ ⵉⴼⵉⵍⵎ ⴰⴷ ⴼ ⴽⵉⴳⴰⵏ ⵏ ⵜⵖⴰⵡⵙⵉⵡⵉⵏ ⴳⵉⵙⵏ ⵜⴰⵎⴰⴳⵉⵜ ⴷ ⵡⴰⴽⴰⵍ ⴷ ⵡⴰⴷⴷⵓⵔ. ⵉⴹⴼⴰⵔ ⵜ ⵏⵉⵜ ⴳ ⵓⵙⴳⴳⵡⴰⵙ ⵏ 1992 ⴼⵉⵍⵎ ⵍⵍⵉ ⴰⴽⴽ ⵉⵜⵜⴰⵡⵙⵙⴰⵏ ⴳ ⵙⵙⵉⵏⵉⵎⴰ ⵜⴰⵛⵍⵃⵉⵜ ⴷ ⵜⴰⵎⴰⵣⵉⵖⵜ, ⴰⴷ ⵜ ⵉⴳⴰⵏ ⵍⴼⵉⵍⵎ ⵏ " ⴱⵓ - ⵜⴼⵓⵏⴰⵙⵜ " ⵍⵍⵉ ⴷ ⵉⵙⵙⵏⴽⵔⵏ ⵢⴰⵜ ⵜⴳⵔⴰⵡⵍⴰ ⵉⵎⵇⵇⵓⵔⵏ ⴳ ⵙⵙⵉⵏⵉⵎⴰ ⵜⴰⵎⴰⵣⵉⵖⵜ ⵙ ⵓⵎⵢⴰⵡⴰⵙ ⵏ ⵙⵙⵉ ⵎⵓⵃⴰⵎⵎⴰⴷ ⴰⴱⴰⵄⵎⵔⴰⵏ ⴷ ⵙⵙⵉ ⵃⴰⵙⴰⵏ ⵉⴱⵓⴽⴰ. ⵉⴹⴼⴰⵔⵜ ⵓⵍⴰ ⵏⵜⵜⴰ ⵍⴼⵉⵍⵎ ⵏ " ⴳⴰⵔ ⵜⵉⵎⵖⴰⵔⵉⵏ ", ⵄⴰⴷ ⴰⴷ ⴰⵛⴽⵉⵏ ⴽⵉⴳⴰⵏ ⵏ ⵍⴰⴼⵍⴰⵎ ⵢⴰⴹⵏⵉ.