ⴰⵎⵜⵡⵉ ⵏ ⵍⵀⵔⵉ
ⴰⵎⵜⵡⵉ ⵏ ⵍⵀⵔⵉ: (ⵙ ⵜⴰⴼⵕⴰⵏⵚⵉⵚⵜ: la Bataille d'Elhri )ⵉⴳⴰ ⵉⵊ ⵓⵎⵜⵡⵉ ⵏⵖⴷ ⴰⵎⵡⴰⵜ ⵏⵏⴰⴳⴷ ⴷⵔⴰⵏⵜ ⵜⵇⴱⵉⵍⵉⵏ ⵏ ⵉⵥⵉⵢⵢⴰⵏ ⴷ ⵜⵇⴱⵉⵍⵉⵏ ⵏ ⴰⵢⵜ ⵓⵎⴰⵍⵓ - ⵎⵓⵏⴻⵏⵜ ⴷⵉⴳⵙ ⵉⵇⴱⵉⵍⵏ ⵏ ⵉⵛⵇⵇⵉⵔ, ⴰⵢⵜ ⵎⴳⵉⵍ , ⵉⵥⵉⵢⵢⴰⵏ ⴷ ⵢⵉⵜⵙ ⵉⵖⵚⴰⵏ ⵢⴰⴷⵏ ⴳⵉⵏ ⵉⵥⵏⴳⵏ ⴰⴽⴽⵯ ⴳ ⵉⵥⵏⴰⴳⵏ ⴳ ⵓⵥⵓⵕ ⵏⵙⵏ- ⴷ ⵎⴰⵕⵕⴰ ⵜⵉⵇⴱⵉⵍⵉⵏ ⵢⴰⴹⵏ ⴳ ⵜⴰⵎⴰⵣⵉⵔⵜ ⵏ ⴼⴰⵣⴰⵣ (ⴰⵟⵍⴰⵙ ⵡⴰⵎⵎⴰⵙ), ⴷⴷⴰⵡ ⵏ ⵜⵏⴰⵔⴰ ⵏ ⵓⵎⵖⴰⵔ ⴰⵏⵥⴱⴰⵢ ⴰⵅⴰⴼⵓⵔ ⵎⵓⵃⴰ ⵓⵃⵎⵎⵓ ⴰⵥⴰⵢⵉ ⴳ 1914 ( ⵏ ⵜⵍⴰⵍⵉⵜ) ⵉⴳ ⵓⴼⵏⴰ ⵏⵏⵙⵏⵜ ⴼⵕⴰⵏⵚⴰ ⵜⴰⵎⴽⴽⴰⵙⵜ ⵜⵉⵣⵉ ⴰⵏⵏ, ⴼⵕⴰⵏⵚⴰ ⵏⵏⴰ ⵉⴽⴽⵓⵙⴰⵏ ⵍⵎⵕⵕⵓⴽ ⵜⴰⵖⴰⵎⵜ ⵙ ⵜⴰⵖⴰⵎⵜ. ⵉⵎⵙⴰⵔ ⵓⵎⵡⴰⵜ ⴰⴷ ⴳ ⵉⵊ ⵓⴷⵖⴰⵔ ⴰⵔ ⴰⵙ ⵜⵜⵉⵏⵉⵏ ⵍⵀⵔⵉ ⵏⵏⴰ ⵢⴰⴳⴳⵓⴳⵏ ⵅⴼ ⵜⵖⵔⵎⵜ ⵏ ⵅⵏⵉⴼⵔⴰ 10 ⴽⵉⵍⵓⵎⵉⵜⵔ ⵅⴼ ⵉⴼⴼⵓⵙ, ⵉⴹⴼⴰⵕ ⵓⵎⵜⵡⵉ ⴰⴷ ⵉ ⵉⵎⵏⵖⵉ ⵏ ⵉⵥⵉⵢⴰⵏ ⴷ ⴰⵢⵜ ⴼⴰⵣⴰⵣ ⴷ ⵉⵎⴰⵣⵉⵖⵏ ⴰⴽⴽⵯ, ⵏⵏⴰⴳ ⴷⵔⴰⵏⵜ ⵜⵇⴱⵉⵍⵉⵏ ⴰⴽⴽⵯ ⵃⵎⴰ ⴰⴷ ⵎⴷⵉⵏⵜ ⵉ ⴼⵕⴰⵏⵚⴰ ⴰⴷ ⴰⵙⵏ ⵓⵔ ⵜⴽⴽⵓⵙ ⵜⴰⵎⴰⵣⵉⵔⵜ ⵏⵙⵏⵜ. ⵢⵓⴼⴹ ⵓⵎⵜⵡⵉ ⵍⵍⵉⴳ ⵏⵔⴰⵏ ⵉⵥⵉⵢⴰⵏ ⵉⴳⵔⴰⵡⵍⵉⵢⵏ, ⵉⴼⵕⴰⵏⵚⵉⵏ ⵏⵏⴰ ⴰⵙⵏ ⵉⴳⴰⵏ ⴰⴽⵓⴷ ⴰⵏⵏ ⴰⵏⴱⴷⴰⴷ ⵍⴰⴱⵉⵕⴷⵓ ⵉⵎⵎⵓⵜⵏ ⴳ ⵓⵎⵜⵡⵉ ⵏⵏⴰ ⴳ 13 ⵡⴰⵏⴱⵉⵔ 1914 .
