ⵍⵄⵕⴱⵉ ⵉⵎⵖⵔⴰⵏ
| ⵜⴰⵖⵍⴰⵏⵜ |  ⴰⵎⵖⵔⵉⴱⵉ
| |||||
|---|---|---|---|---|---|---|
| ⵜⴰⵍⴰⵍⵉⵜ | 1978 ⴳ ⵜⵉⵣⵏⵉⵜ | |||||
| ⵜⵓⵜⵍⴰⵢⵜ | ⵜⴰⵎⴰⵣⵉⵖⵜ (ⵜⴰⵛⵍⵃⵉⵜ) | |||||
| ⴰⵏⴰⵡ | ⴰⵥⴰⵡⴰⵏ | |||||
| ⴰⵏⴰⵡ ⵏ ⵓⵥⴰⵡⴰⵏ | ⵜⵉⵕⵕⵓⵢⵚⴰ ⴷ ⵓⵥⴰⵡⴰⵏ ⴰⵜⵔⴰⵔ | |||||
| ⴰⵙⴰⴽⵓⴷ ⵏ ⵓⵙⵙⵔⴼⵓ | 1998-ⵖⵉⵍⴰ | |||||
| ⴰⴷⴷⴰⴷ ⴰⵏⴰⵎⵓⵏ | ⵢⵉⵡⵍ (2020) | |||||
| ⵜⴰⵔⵡⴰ | ⴰⵡⵙⴰⵎ | |||||
.svg){kind=logo}
|
@Imghrane | |||||
ⵍⵄⵕⴱⵉ ⵉⵎⵖⵔⴰⵏ ⴰⵙⵙⴰⵖ ⵏⵙ ⵉⵎⵉⴷⵉ ⵍⵄⵕⴱⵉ ⵀⴰⴱⴱⵓ ⵉⴳⴰ ⴰⵏⴰⵥⵓⵕ ⵉⴳ ⴰⵏⴹⴹⴰⵎ ⴰⵎⴰⵣⵉⵖ, ⵉⵍⵓⵍ ⴳ ⵓⵙⴳⴳⵯⴰⵙ ⵏ 1978 ⴳ ⵓⵙⵓⵏ ⵏ ⵓⵙⴰⴽⴰ, ⵜⴰⵖⵉⵡⴰⵏⵜ ⵏ ⵡⵉⵊⵊⴰⵏ, ⵜⴰⵙⴳⴰ ⵏ ⵜⵣⵏⵉⵜ. [1]
ⵜⴰⵏⴽⵔⴰ
ⵙⵏⴼⵍⵉⵍⵓⵍ ⵍⵄⵕⴱⵉ ⵉⵎⵖⵔⴰⵏ ⴳ ⵢⴰⵜ ⵜⵡⵊⴰ ⵜⴰⵏⴰⵎⵎⴰⵙⵜ, ⴰⵙⵙⵍⵎⴷ ⴰⵎⵏⵣⵓ ⵉⵣⵣⵔⵉⵜ ⴳ ⵢⴰⵜ ⵜⵉⵏⵎⵍ ⵜⴰⵙⵓⵏⴰⵏⵜ, ⴷⴰⵜ ⵎⴰ ⵉⵣⵣⵔⵉ ⴽⵕⴰⴹ ⵉⵙⴳⴳⵯⴰⵙⵏ ⵏ ⵓⵙⵙⵍⵎⴷ ⴷⴰⵜ-ⴰⵎⵏⵣⵓ ⴳ ⵜⵣⵏⵉⵜ. ⵎⵇⵇⴰⵔ ⵉⵎⵓⵔⵙ ⵉⵎⵖⵔⴰⵏ ⴳ ⵜⵖⵔⵉ ⵏⵙ, ⵓⵔ ⴳⵉⵙ ⵉⵖⵔⵔⵉⴷ ⴰⵛⴽⵓ ⵉⴼⴼⵓⵖ ⴷⴰⵜ ⵓⵙⵙⵍⵎⴷ ⴰⵎⵏⵣⵓ, ⵉⴼⵜⴰ ⵙ ⵓⵙⵉⵏⴰⵏ ⴰⵙⵎⴰⵜⵜⴰⴳ ⵉⴼⴼⵓⵖ ⵙⴳ ⵜⵖⵔⵉ. ⵎⴰⵛ, ⵉⴳⴰ ⵉⵎⵉⵔⵉ ⵏ ⵜⵖⵔⵉ ⴷ ⵓⴷⵍⵉⵙ ⴰⵔ ⵢⴰⵇⵇⵔⴰ ⵙ ⵓⴳⴰⵢⵢⵓ ⵏⵙ; ⴰⵔ ⵢⴰⵇⵇⵔⴰ ⵜⴰⵏⴹⴹⴰⵎⵜ ⵜⴰⵄⵕⴰⴱⵜ ⵏ ⴽⵉⴳⴰⵏ ⵏ ⵉⵎⴷⵢⴰⵣⵏ ⵣⵓⵏ ⵎⵚⵜⴰⴼⴰ ⵍⵓⵟⴼⵉ ⴰⵍⵎⴰⵏⴼⴰⵍⵓⵟⵉ ⴷ ⵊⴱⵔⴰⵏ ⵅⴰⵍⵉⵍ ⵊⴰⴱⵔⴰⵏ ⴷ ⵡⵉⵢⵢⴰⴹ. ⵎⴰⵢⴰⴷ ⴰⵜ ⵢⵓⴷⴷⵊⴰⵏ ⴰⴷ ⵉⵏⴹⵎ ⵙ ⵜⵄⵕⴰⴱⵜ ⵜⴰⵎⴷⵢⴰⵣⵜ ⴰⴷ:
| ⵉⵄⴷⵍ ⵢⴰⵏ | ||
| (ⵍⵄⵕⴱⵉ ⵉⵎⵖⵔⴰⵏ) | ||
| ⵉⵄⴷⵍ ⴱⴷⴰ ⵢⴰⵏ ⵉⵄⵣⵣⴰⵏ | ⵉⵅⴼ ⵏⵙ ⴰⴷ ⵉⴳ ⵣⵓⵏ ⴷ ⴰⵎⴰⵏ | |
| ⴰⵣⵣⵍⵏⵉⵏ ⵓⵔ ⵊⵊⵓ ⴱⴷⴷⴰⵏ | ⵉⵔⴰ ⴰⴷ ⵜⵏ ⵉⵙⵓ ⵉⵔⴰ ⵙⴳⵉⵙⵏ ⵉⵜⵓⴹⴹⴰ ⵢⴰⵏ | |
| ⵉⵎⴰ ⵉⵖ ⵓⵔ ⴰⵣⵣⵍⵏ ⵉⵔⴰ ⴰⴷ ⵔⴽⵓⵏ | ⵖⵉⴽⴰⵏⵏ ⴰⵙ ⵎⵇⵇⴰⵔ ⵜ ⵉⴳⴰ ⵢⴰⵏ | |
| ⵉⵄⴷⵍ ⴱⴷⴷⴰ ⵢⴰⵏ ⵉⵄⵣⵣⴰⵏ | ⵉⵅⴼ ⵏⵙ ⴰⴷ ⵉⴳ ⵣⵓⵏ ⴷ ⴰⵢⵢⵓⵔ | |
| ⵉⵖ ⴷ ⵉⵍⵓⵍ ⵉⵖⴰⵡⵍ ⴰⴷ ⵔⵡⵍⵏ | ⴰⵔ ⵉⵟⵟⵎⴰⵟⴰⵍ ⵖ ⵉⴳⵏⵡⴰⵏ | |
| ⵎⵍⴰ ⴱⴷⴰ ⴳⵉⵙⵏ ⴷⴰⵡⵎⵏ | ⵓⵔ ⵉⵔⴰ ⴰⵜⵏ ⵙⴰⵔ ⵉⵃⵓⴱⴱⵓ ⵢⴰⵏ | |
| ⵖⵉⴽⴰⵏ ⴰⵙ ⵎⵇⴰⵔⵔ ⵜ ⵉⴳⴰ ⵢⴰⵏ | ⵉⵏⵏⴰ ⵖ ⵉⵍⵍⴰ ⵛⵛⴰⵏ ⴰⵜⵉⴷ ⵍⴽⵎⵏ | |
ⵉⵣⵍⴰⵏ ⴰⴷ, ⵉⵏⴹⵎⵉⵏ ⵉⵎⵖⵔⴰⵏ ⴷⴰⵜ ⵎⴰ ⵉⵖⵔⴰ ⵜⴰⵎⴷⵢⴰⵣⵜ ⵏ "ⴰⵙⵙⴰⴼⴰⵔ" ⵏ "ⴰⵍⵉⵎⴰⵎ ⵛⵛⴰⴼⵉⵄⵉ":
| السفر | ||
| (الشافعي) | ||
| سافر تجد عوضا عمن تفارقه | وانصب فإن لذيذ العيش في النصب | |
| إني رأيت وقوف الماء يفسده | إن سال طاب و إن لم يجر لم يطب | |
| و الشمس لوقفت في الفلك دائمة | لملها الناس من عجم و من عرب | |
ⵎⴰⵢⴰ ⴰⵔ ⵉⵎⵎⴰⵍ ⵎⴰⵙ ⵍⵄⵕⴱⵉ ⵉⵎⵖⵔⴰⵏ ⵜⵏⴽⵔⴷ ⴷⵉⵙ ⵜⴰⵢⵔⵉ ⵏ ⵜⵎⴷⵢⴰⵣⵜ ⵜⴰⵄⵕⴰⴱⵜ. ⵓⵔ ⴷ ⵉⵏⴽⵉⵔ ⵍⵄⵕⴱⵉ ⵖⴰⵙ ⴷ ⵜⵎⴷⵢⴰⵣⵜ ⵜⴰⵄⵕⴰⴱⵜ ⵎⴰⵛ, ⵉⵏⴽⵔⴷ ⵓⵍⴰ ⴷ ⵜⵎⴷⵢⴰⵣⵜ ⵜⴰⵎⴰⵣⵉⵖⵜ.
ⴰⵙⵎⵓⵜⵜⴳ
ⵙⵏⴼⵍⵙⴳ ⵜⴰⵎⵥⵉ ⵏⵙ, ⴰⵔ ⵉⵙⵙⴼⵍⵉⴷ ⵍⵄⵕⴱⵉ ⵉ ⵜⵖⵏⵏⵉⵊⵜ ⴷ ⵉⵎⵖⵏⵏⵊⵏ ⵉⵎⴰⵣⵉⵖⵏ ⵙ ⵓⵍ ⵏⵙ ⴷ ⵓⵏⵍⵍⵉ ⵏⵙⵏ, ⵙⵍⴰⵡⴰⵏ ⵉ ⵜⵖⵏⵏⵉⵊⵜ ⵏ ⵙⵓⵙ. ⴰⵔ ⵉⵙⵙⴼⵍⵉⴷ ⵍⵄⵕⴱⵉ ⵉ ⵜⵔⵓⴱⴱⴰ ⵉⵜⵜⵢⵓⵙⵙⴰⵏⵏ ⴳ ⵓⵣⵎⵣ ⵏⵙ, ⵣⵓⵏ ⵉⵏⵔⵣⴰⴼ, ⵍⴰⵔⵢⴰⵛ, ⵉⵏⴹⴹⴰⵎⵏ ⴷ ⵜⵉⵢⵢⴰⴹ. ⵎⴽⵍⵍⵉ ⵉⵙⵙⴼⵍⵉⴷ ⵓⵍⴰ ⵉ ⵉⵏⵎⵖⵓⵔⵏ ⵏ ⵜⴰⵕⵕⵡⴰⵢⵚⵉⵜ ⵣⵓⵏ ⵍⵃⴰⵊⵊ ⴷⴷⵎⵙⵉⵔⵉ, ⴱⵉⵣⵎⴰⵡⵏ ⴷ ⴼⴰⵟⵉⵎⴰ ⵜⴰⴱⴰⵄⵎⵔⴰⵏⵜ.
ⵜⴰⵢⵔⵉ ⵏ ⵉⵎⵖⵔⴰⵏ ⵉ ⵜⵖⵏⵏⵉⵊⵜ ⵜⴰⵎⴰⵣⵉⵖⵜ ⴰⴷ ⴰⵙ ⵉⴼⴽⴰⵏ ⵜⵉⴷⴷⴰⵙ ⵏ ⵓⵙⵎⵎⵔⵙⵍ ⵏ ⵜⵔⴰⴱⴱⵓⵜ ⵏⵙ ⵜⴰⵎⵣⵡⴰⵔⵓⵜ ⴷⴷⵓ ⵉⵙⵎ ⵏ ⵉⵎⴰⵏⴰⵔⵏ ⴳ ⵜⵖⵉⵡⴰⵏⵜ ⵏ ⵡⵉⵊⵊⴰⵏ ⴳ ⵓⵙⴳⴳⵯⴰⵙ ⵏ 1998. ⵜⴰⵔⴰⴱⴱⵓⵜ ⴰⴷ ⵉⵍⴰⵏ ⵜⴰⵎⴰⵜⴰⵔⵜ ⵜⴰⵎⵇⵇⵔⴰⵏⵜ ⴳ ⵓⵙⵎⵓⵜⵜⴳ ⵏ ⵉⵎⵖⵔⴰⵏ, ⴰⵛⴽⵓ ⵜⴳⴰ ⵉⵔⵉⵎ ⵏⵙ ⴰⵎⵣⵡⴰⵔⵓ ⴳ ⵓⵙⵖⵏⵏⵊ ⴷ ⵜⵉⵔⵔⴰ ⵏ ⵜⴳⵓⵔⵉⵡⵉⵏ ⵏ ⵜⵖⵏⵏⵉⵊⵉⵏ ⵏⵙ.
ⵜⵉⵔⵓⴱⴱⴰ
ⵙⵏⴼⵍⵜⴰⵔⴰⴱⴱⵓⵜ ⵜⴰⵎⵣⵡⴰⵔⵓⵜ ⵏ ⵍⵄⵕⴱⵉ ⵉⵎⵖⵔⴰⵏ ⵜⴳⴰⵜⵜ ⵜⴰⵔⴰⴱⴱⵓⵜ ⵏ ⵉⵎⴰⵏⴰⵔⵏ ⵙⴳ ⵓⵙⴳⴳⵯⴰⵙ ⵏ 1998 ⴰⵔ ⵓⵙⴳⴳⵯⴰⵙ ⵏ 2000 ⴰⴼⴰⴷ ⴰⴷ ⵉⵎⵎⴰⵜⵜⵉ ⴳ ⵓⵙⴳⴳⵯⴰⵙ ⴰⴷ ⵙ ⵜⴰⵔⴰⴱⴱⵓⵜ ⵉⵎⵖⵔⴰⵏ (ⵜⴰⵔⴰⴱⴱⵓⵜ). ⵜⴰⵔⴰⴱⴱⵓⵜ ⵏ ⵉⵎⵖⵔⴰⵏ ⴰⴳ ⵉⵙⵎⵎⵔⵙⵍ ⵜⴰⵖⴰⵔⴰⵙⵜ ⵏⵙ ⵜⵓⴷⵎⴰⵡⴰⵏⵜ ⴳ ⵜⵥⵓⵕⵉ, ⴰⴼⴰⴷ ⴰⴷ ⵉⴽⵛⵎ ⵙ ⵓⴱⴰⵔⴰⵣ ⵏ ⵜⵖⵏⵏⵉⵊⵜ ⵜⴰⵙⵓⵙⵉⵜ ⵙⴳ ⵜⴰⴳⴳⵓⵔⵜ ⵏⵏⴰ ⴰⴽⴽⵯ ⵉⵎⵖⵓⵔⵏ.
ⵜⵉⵔⵉⵎⵜ ⴳ ⵓⵎⵓⵙⵙⵓ ⴰⵎⵓⵙⵍⵎ
ⵙⵏⴼⵍⴳ ⵢⴰⵏ ⵓⵣⵎⵣ, ⵉⴽⵛⵎ ⵍⵄⵕⴱⵉ ⵉⵎⵖⵔⴰⵏ ⴷ ⴽⵔⴰ ⵏ ⵓⵎⵓⵙⵙⵓ ⴰⵎⵓⵙⵍⵎ ⴰⵙⵓⵏⵏⵉ, ⵉⴽⴽⴰ ⴷⵉⵙⵏ ⵙⵉⵏ ⵉⵙⴳⴳⵯⴰⵙⵏ, ⵓⵔ ⵉⴽⴽⵉ ⵎⴰⵏⵉ ⵉ ⵓⵎⴰⵔⴳ ⴷ ⵜⵖⵏⵏⵉⵊⵜ ⵎⴰⵛ, ⵉⵙⵏⴼⵍ ⵜⵉⵡⵏⴳⵉⵎⵉⵏ ⵏⵙ, ⵉⵙⵏⴼⵍ ⵓⵍⴰ ⵜⴰⵖⴰⵔⴰⵙⵜ ⵏⵙ ⴳ ⵓⵙⵖⵏⵏⵊ ⴷ ⵏⵏⴹⵎ, ⵓⵔ ⵙⵓⵍ ⴰ ⵉⵜⵜⵏⴹⴰⵎ ⵅⴼ ⵜⵎⵖⴰⵔⵜ ⵓⵍⴰ ⵜⴰⵢⵔⵉ ⴷ ⵉⵎⵔⵙⵉⵜⵏ ⴰⴽⴽⵯ ⵓⵔ ⴷ ⵉⵎⵙⴰⵛⴽⴰⵏ ⴷ ⵜⵡⵏⴳⵉⵎⵉⵏ ⵏⵙ ⵜⵉⵙⴳⴷⴰⵏⵉⵏ. ⵉⵏⵏⴰ ⵍⵄⵕⴱⵉ ⵎⴰⵙ ⴰⵙⵖⵏⵏⵊ ⵓⵔ ⵉⴳⵉ ⵜⴰⵡⵡⵓⵔⵉ ⵓⵍⴰ ⵉⴳⴰ ⵜⴰⵖⴰⵔⴰⵙⵜ ⵏⵏⴰ ⵉⵖⵉ ⵢⴰⵏ ⴰⵜⵜ ⵉⴹⴼⵓⵕ ⴳ ⵜⵓⴷⵔⵜ ⵏⵙ, ⴰⵔ ⵉⵜⵜⵉⵏⵉ ⴷⴰⵖ ⵎⴰⵙ ⴷⴰⵔⵙ ⵜⴳⴰ ⵖⴰⵙ ⵉⵎⵉⵙⵙ ⵏ ⵓⵣⵣⵔⴰⵢ ⵏ ⵡⴰⴽⵓⴷ ⴷ ⵓⵙⵎⵔⵔⴻⵔ. ⵉⵎⵔⵙⵉ ⴰⴷ ⴰⴼ ⵉⵏⵏⴰ, ⵙ ⵉⵍⵙ ⵏ ⵍⵃⴰⵊⵊ ⴱⵍⵄⵉⴷ:
ⴰ ⵢⴰⵎⴰⵔⴳ ⵓⵔ ⵊⵊⵓ ⵙⴳⵉⵙ ⵙⴽⵉⵔⵖ ⴰⵃⴰⵢⴽ ⵓⵍⴰ ⵉⴷⵓⴽⴰⵏ
ⵉⵖ ⵉⵃⴰⵡⵍ ⵉⵙⵍⵍⴰ ⵏⵖ
— ⵍⵃⴰⵊⵊ ⴱⵍⵄⵉⴷ
ⵜⴰⵏⵏⴰⵢⵜ ⵅⴼ ⵓⵙⵖⵏⵏⵊ
ⵙⵏⴼⵍⴰⵔ ⵉⵜⵜⵉⵏⵉ ⵍⵄⵕⴱⵉ ⵉⵎⵖⵔⴰⵏ ⵎⴰⵙ ⵓⵔ ⵊⵊⵓ ⴷ ⵏⵜⵜⴰ ⴰ ⵉⵔⴰ ⴰⴷ ⵉⵙⵖⵏⵏⵊ ⵙ ⴽⵔⴰ ⵏ ⵜⵖⴰⵔⴰⵙⵜ ⵜⴰⵔ ⵜⵉⵖⴰⵔⵉⵡⵉⵏ, ⴰⵔ ⵉⵜⵜⵉⵏⵉ ⵎⴰⵙ ⵉⵔⴰ ⴰⴷ ⵉⵃⴹⵓ ⵉⵙⴽⴰⵔ ⴱⴷⴷⴰ ⵉⵣⵍⴰⵏ ⵏⵙ ⴷ ⵜⵉⵖⵏⵏⵉⵊⵉⵏ ⵅⴼ ⵓⴱⵔⵉⴷ ⵏ ⵓⵙⴳⵎⵉ ⵏⵏⴰ ⵢⵓⵎⵥ ⵙⴳ ⴷⴰⵔ ⵜⴰⵡⵊⴰ ⵏⵙ.
ⵜⴰⴷⵉⵙⴽⵓⴳⵕⴰⴼⵉⵜ
ⵙⵏⴼⵍ| ⵓⵟⵟⵓⵏ | ⴰⵣⵡⵍ ⵏ ⵜⵖⵏⵏⵉⵊⵜ | ⴰⵙⴰⴽⵓⴷ ⵏ ⵓⵙⵙⵓⴼⵖ |
|---|---|---|
| 1 | ⵡⴰⵢⵢⵉⵀⴰ | 2023 |
| 2 | ⴰⵖⵔⴰⴱ | 2023 |
| 3 | ⵎⴰⵢⵙⴽⴰⵔ ⵣⵣⵉⵏ | 2023 |
| 4 | ⴼⵜⴰⵏ ⵓⵙⵙⴰⵏ | 2022 |
| 5 | ⴰⵀⴰ ⵢⵢⴰⵀⴰ | 2022 |
| 6 | ⴰⵎⴰⴳⵓⵙ | 2021 |
| 7 | ⴰⴷ ⴷⵉⴽ ⵙⴰⵡⵍⵖ | 2021 |
| 8 | ⵙⴰⵎⵃⴰⵖ ⴰⴽ (ⵜⵜⵉⵍⵉⴼⵓⵏ ⵉⴳⴰⵏ ⴰⵢⴼⵓⵏ) | 2021 |
| 9 | ⵉⵔⵖⵓⴷⴰⴽ | 2021 |
| 10 | ⵉ ⵕⴱⴱⵉ ⴰ ⵍⵄⴰⵍⵉⵎ | 2020 |
| 11 | ⵜⴰⵢⵔⵉ ⵖ ⵉⵙⴽⵔⴰⴼ | 2020 |
| 12 | ⴰⵔⵉⵏⴰⵙ | 2019 |
| 13 | ⴰⵖ ⴷ ⵉⵔⴰⵔ ⵕⴱⴱⵉ | 2018 |
| 14 | ⵜⵜⵉⵍⵉⴼⵓⵏ ⴰ ⵜⵜⵉⵍⵉⴼⵓⵏ | 2017 |
| 15 | ⵍⴱⴰⵣ ⵓⵎⵍⵉⵍ | 2017 |
| 16 | ⴳⵍⴱⵉ ⵎⵊⵕⵓⵃ (ⴷⴷⴰⵔⵉⵊⴰ) | 2017 |
| 17 | ⴰⵔ ⴰⵖ ⵉⵙⴳⴰⵍⵍⴰ | 2016 |
| 18 | ⵏⴽⴽⵉ ⴱⵍⴰ ⴽⵢⵢⵉ | 2016 |
| 19 | ⵊⴰⵡⴱⵉ ⵉⵢⵢⵉ ⴰ ⵡⵉⵏⵓ | 2015 |
| 20 | ⴰ ⵙⵉⵔ ⴰ ⵙⵙⵍⴰⵎ ⵉⵏⵓ | 2015 |
| 21 | ⴰⵙⴳⴳⵯⴰⵙ ⴰⵎⴱⴰⵔⴽⵉ | 2015 |
| 22 | ⴰⴹⵓ ⵏ ⵓⵏⵥⴰⵕ | 2015 |
| 23 | ⵍⵃⵓⵕⵎⴰ ⵏ ⵢⴰⵏ | 2015 |
| 24 | ⴰⵡⵉⴷ ⴰ ⵍⴰⵍⵍⴰ | 2015 |