ⵜⴰⵎⴰⴹⵓⵏⵜ
ⵜⴰⵎⴰⴹⵓⵏⵜ (ⵙ ⵜⵄⵕⴰⴱⵜ : مرض) ⵜⴳⴰ ⴽⵓⵍⵍⵓ ⵎⴰⵏ ⴰⵙⵏⴼⵍ ⵉⵜⵜⵊⵕⵓⵏ ⵖ ⵜⴷⵓⵙⵉ ⵏ ⵓⴼⴳⴰⵏ ⵏⵖ ⵏ ⴽⵔⴰ ⵏ ⵓⵎⴰⴷⴷⴰⵔ ⵢⴰⴹⵏⵉ, ⴰⵙⵏⴼⵍ ⴰⴷ ⵉⵥⴹⴰⵕ ⴰⴷ ⵉⴳ ⴰⴼⴳⴳⴰⵏ (ⵉⵣⴷⵉ ⴷ ⵜⴼⴳⴳⴰ) ⵏⵖ ⴰⵏⵉⵎⴰⵏ (ⵉⵣⴷⵉ ⴷ ⵉⵎⴰⵏ). ⵜⴰⵎⴰⴹⵓⵏⵜ ⵜⵎⵣⴰⵔⴰⵢ ⴼ ⵡⴰⵟⵟⴰⵏ (ⴰⵟⵟⴰⵏ). ⵉⵖ ⴰⵔ ⵏⵙⴰⵡⴰⵍ ⴼ ⵡⴰⵟⵟⴰⵏ ⴰⵜ ⴰⵔ ⵏⵙⴰⵡⴰⵍ ⴼ ⵓⵙⵏⵢⵓⴷⴷⵔ ⵏ ⴽⵔⴰ ⵏ ⵜⵎⴰⴹⵓⵏⵜ ⵖ ⴽⵔⴰ ⵏ ⵜⵎⴰⵣⵉⵔⵜ ⵏⵖ ⴽⵔⴰ ⵏ ⵓⴷⵖⴰⵔ.
ⴰⵟⵟⴰⵏ
ⵙⵏⴼⵍⴰⵟⵟⴰⵏ (ⴰⵙⴳⵜ : ⴰⵟⵟⴰⵏⴻⵏ ⵏⵖ ⴰⵟⵟⴰⵏⵏ) ⵉⴳⴰ ⵜⴰⵖⴰⵔⴰⵙⵜ ⵏⵏⴰ ⵙ ⵜⴻⵜⵜⵎⵓⵜⵜⵓⵢ ⴽⵔⴰ ⵏ ⵜⵎⴰⴹⵓⵏⵜ ⴳⵔ ⵓⴼⴳⴰⵏ ⴷ ⵡⴰⵢⵢⴰⴹ, ⵣⵓⵏⴷ ⵜⴰⵎⴰⴹⵓⵏⵜ ⵏ ⴽⵓⵕⵓⵏⴰ ⵜⴳⴰ ⴰⵟⵟⴰⵏ, ⵎⴰⵛⵛ, ⵓⵔ ⴰ ⵏⵜⵜⵉⵏⵉ ⵉ ⴽⵔⴰ ⵏ ⵜⵎⴰⴹⵓⵏⵜ ⵎⴰⵙ ⵜⴳⴰ ⴰⵟⵟⴰⵏ ⴰⴱⵍⴰ ⵉⵖ ⴰⵔ ⵜⵜⵎⵓⵜⵜⵓⵢ ⴳⵔ ⵓⴼⴳⴰⵏ ⴷ ⵡⴰⵢⵢⴰⴹ ⵙ ⵜⵉⵣⵣⵍⴰ.
-
ⴰⵟⵟⴰⵏ ⵏ ⵉⴱⵓⵍⴰ ⵖ ⵜⴰⴳⵓⵜ ⵏ ⵉⴼⵔⵉⵇⵢⴰ 2014 - ⵜⵉⵎⴰⵛⴽⵓⵜⵉⵏ ⵜⵉⵎⴰⵢⵏⵓⵜⵉⵏ ⵖ ⵉⵎⴰⵍⴰⵙ.
- ⴰⴽⵓⵛⵎ: ⵜⴰⵎⴰⴹⵓⵏⵜ ⵏ ⴽⵔⴰ ⵏ ⵓⴼⴳⴰⵏ ⵓⵔ ⵉⵥⴹⴰⵕⵏ ⴰⴷ ⵉⵙⵎⴰⵙⵙ ⵉⴹⴰⵕⵏ ⵏⵏⵙ ⵏⵖ ⵉⴼⴰⵙⵙⵏ ⵏⵖ ⴽⵔⴰ ⵏ ⵓⴷⵖⴰⵔ ⵢⴰⴹⵏⵉ ⴳ ⵜⴼⴳⴳⴰ ⵏⵏⵙ.
- ⴰⴱⵓⴽⴹ: ⵜⴰⵎⴰⴹⵓⵏⵜ ⵏ ⵜⵡⴰⵍⵍⵉⵏ ⵏⵏⴰ ⵉⵜⵜⴰⵊⵊⴰⵏ ⴰⴼⴳⴰⵏ ⴰⴷ ⵓⵔ ⵢⵉⵙⴼⵉⵡ ⵎⵍⵉⵃ, ⵣⵓⵏ ⵉⵖ ⵏⵉⵜ ⵜⵏⵏⵉⵜ ⵉⵏⴰⵇⵚ ⴰⵙ ⵉⵥⵕⵉ.
- ⴰⴱⵉⴹⵕ: ⵜⴰⵎⴰⴹⵓⵏⵜ ⵏ ⵉⴹⴰⵕⵏ.
- ⵜⵜⵓⴼⵉⵙ :
- ⵜⴰⵡⵍⴰ: ⵜⴰⵜⵜⵓⵢⵜ ⵏⵖ ⴰⵖⵍⴰⵢ ⵏ ⵜⵥⵖⵍⵜ (température).
- ⴱⵓⴳⵍⵉⴱ : ⵏⵖ ⴽⵓⵍⵉⵕⴰ. ⵜⴰⵎⴰⴹⵓⵏⵜ ⴰⴷ ⵜⴽⵛⵉⵎ ⴷ ⵙ ⵍⵎⵖⵔⵉⴱ ⵖ ⵜⵓⵙⵓⵜ ⵜⵉⵙⵙ 19, ⵙⵎⵎⴰⵏ ⴰⵙ ⵉⵎⵖⵔⵉⴱⵉⵏ ⴱⵓⴳⵍⵉⴱ ⴰⵛⴽⵓ ⴰⵔ ⵜⵏⵇⵇⴰ ⴰⴼⴳⴰⵏ ⵖ ⵓⴷⵖⴰⵔ[1].
- ⴰⴹⴹⵓⵕⴹⵕ: ⵜⴰⵎⴰⴹⵓⵏⵜ ⵏ ⵉⵎⵣⴳⴰⵏ ⵏⵏⴰ ⵉⵜⵜⴰⵊⵊⴰⵏ ⴰⴼⴳⴰⵏ ⴰⴷ ⵓⵔ ⵉⵙⵙⴼⵍⵉⴷ.
- ⴰⵥⵥⵏⵥⵏ: ⵜⴰⵎⴰⴹⵓⵏⵜ ⵏ ⵡⴰⵏⵏⴰ ⵓⵔ ⵉⵥⴹⴰⵕⵏ ⴰⴷ ⵉⵙⴰⵡⵍ ⵙ ⵉⵎⵉ ⵏⵏⵙ (ⵜⴰⵎⴰⴹⵓⵏⵜ ⵏ ⵡⴰⵡⴰⵍ).
- ⴱⵓⵃⵎⵕⵓⵏ :
- ⵥⵕⴱⵉⵢⵢⵓⵏ :
- ⵜⵉⴽⴹⵉⵜ: ⵜⴰⵎⴰⴹⵓⵏⵜ ⵉⵜⵜⵉⵍⵉⵏ ⵖ ⵉⴼⵔⵅⴰⵏ ⵎⵥⵥⵉⵢⵏⵉⵏ, ⴰⵔ ⴰⵙⵏ ⵜⴽⴽⴰⵜ ⴰⵏⴳⵔⴰⵡ ⵏ ⵓⵏⴼⵓⵙ (ⵓⵔ ⴰⵔ ⵜⵜⵉⵥⴹⵉⵕⵏ ⴰⴷ ⵙⵙⴽⵛⵎⵏ ⵓⵍⴰ ⵙⵙⵓⴼⵖⵏ ⵓⵏⴼⵓⵙ)
- ⵜⴰⵢⵍⴰⵍⵜ : ⵜⴳⴰ ⵢⴰⵜ ⵜⵎⴰⴹⵓⵏⵜ ⵉⵜⵜⵉⵍⵉⵏ ⵖ ⵜⴹⵕⴰⵏⵉⵏ (ⵉⴼⵕⵅⴰⵏ ⵙⵓⵍ ⵙⵙⵓⵎⵓⵎⵏⵉⵏ) ⵎⵥⵥⵉⵢⵏⵉⵏ (ⵓⵔⵜⴰ ⵢⵍⴽⵉⵎⵏ ⴰⵙⴳⴳⴰⵙ) ⴰⴽⵓⴷ ⵏⵏⴰ ⴼⵍⵍⴰⵙⵏ ⵉⴽⴽⴰ ⵓⴳⴹⵉⴹ ⵏ ⵜⴰⵢⵍⴰⵍⵜ (ⴰⴳⴹⵉⴹ ⵏ ⵢⵉⴹ, ⵏⵖ ⵜⴰⴳⴹⵉⴹⵜ ⵏ ⵜⵉⵡⵡⵓⵜⵛⵉ). ⴰⴽⵓⴷ ⵏⵏⴰ ⵜⵣⵔⵉ ⵜⴰⵢⵍⴰⵍⵜ ⴼ ⵜⴰⴹⵕⴰⵏⵜ ⴳ ⵉⴹ ⴰⵔ ⵜⵜⵓⴹⴰⵏ ⵜⴰⴹⵕⴰⵏⵜ ⴰⵔ ⴽⴰ ⵜⵙⵖⵓⵢⵢⵓ ⴳ ⵉⴹ ⴽⵓⵍⵍⵓⵜ, ⴱⴰⵛ ⴰ ⵉⵊⵊⵉ ⵉⵅⵚⵚⴰ ⴽⵔⴰ ⵏ ⵓⵔⴳⴰⵣ ⵉⵡⵎⵥⵏ ⵜⴰⵢⵍⴰⵍⵜ ⵉⵄⴱⵕⵜⵜ ⵙ ⵉⴼⴰⵙⵙⵏ ⵏⵙ ⴰ ⵉⵄⴱⵕ ⵜⴰⴹⵕⴰⵏⵜⴰⵖ ⵓⵍⴰ ⵏⵜⵜⴰⵜ ⵙ ⵉⴼⴰⵙⵙⵏ ⵏⵙ.
- ⵜⴰⵙⵜⵜⵉⵖⵜ ⵏ ⵡⵓⵍ : ⴰⵔ ⵜⵜⵉⵏⵉⵏ ⵎⵉⴷⴷⵏ ⵎⴰⵙ ⴽⵔⴰ ⵏ ⵓⴼⴳⴰⵏ ⵉⵙⵜⵖⴰⵙ ⵡⵓⵍ (ⵏⵖ ⵉⴱⴱⴰⵇⵇⵢ ⴰⵙ ⵡⵓⵍ ⵏⵖ ⴰⴽⴽʷ ⴰⵔ ⵜⵜⵉⵏⵉⵏ ⵉⴼⵙⵙⴰ ⴰⵙ ⵡⵓⵍ), ⵉⴳ ⴰⵙ ⵉⴼⵙⵙⴰ ⵡⵓⵍ ⴰⴽⵓⴷ ⵏⵏⴰ ⵉⵙⵙⴼⵍⴷ ⵉ ⴽⵔⴰ ⵏ ⵓⵏⵖⵎⵉⵙ ⵉⵅⵛⵏⵏ ⵏⵖ ⵉⴼⵙⵙⴰ ⴰⵙ ⵡⵓⵍ ⵏⵙ ⵖⵉⵔ ⵖⵎⴽⴰⵏ ⵡⴰⵃⴷⵓⵜ.
- ⴱⴰⵢⵢⵓⵕ : ⴰⵔ ⴰⵙ ⵜⵜⵉⵏⵉⵏ ⵎⵉⴷⴷⵏ ⵓⵍⴰ ⵙⴰⵡⵔⴰⵖ (ⴱⵓⵚⴼⴼⵉⵕ ⵙ ⴷⴷⴰⵔⵉⵊⴰ), ⵉⴳⴰ ⵢⴰⵜ ⵜⵎⴰⴹⵓⵏⵜ ⵉⴽⴽⴰⵜⵏ ⴰⴼⴳⴰⵏ ⵏⵏⴰ ⵓⵔ ⴰ ⵉⵛⵜⵜⴰⵏ ⵎⵍⵉⵃ ⵏⵖ ⵓⵔ ⴰⵔ ⵉⵛⵜⵜⴰ ⵓⵜⵛⵉ ⴰⵎⵏⵏⴰⵡ, ⴰⵔ ⴳⵉⵙ ⵜⵜⴷⵔⵓⵙⵓⵏ ⵉⴷⴰⵎⵎⵏ ⵏⵖ ⴰⵔ ⴳⵉⵙ ⵜⵜⴹⵄⴰⴼⵏ, ⵎⴰⵢⴰⴷ ⴰ ⵉⵜⵜⴰⵊⵊⴰⵏ ⴰⴽⵍⵓ ⵏⵙ ⴰ ⵉⴳ ⴰⵡⵔⴰⵖ (ⴰⵚⴼⵕⵉ).
- ⵜⴰⴱⴰⵡⵜ :
- ⴰⵊⴹⴹⵉⴹ ⵏⵖ ⴰⵊⵊⵉⴹ : ⵉⴳⴰ ⵢⴰⵜ ⵜⵎⴰⴹⵓⵏⵜ ⵏ ⵉⵍⵎ, ⴰⴽⵓⴷ ⵏⵏⴰ ⵙⵔⵙ ⵢⵓⴹⵏ ⴽⵔⴰ ⵏ ⵓⴼⴳⴰⵏ ⴰⵔ ⵉⵜⵜⵃⵓⴽⴽⵓ ⵖ ⵢⵉⵍⵎ ⵏⵙ. ⵏⵥⴹⴰⵕ ⴰⴷ ⵏⵉⵏⵉ ⵎⴰⵙ ⴰⵊⴹⴹⵉⴹ ⴰⵔ ⵉⵜⵜⵎⴰⵜⵜⴰⵢ ⵙⴳ ⵓⴼⴳⴰⵏ ⵙ ⵡⴰⵢⵢⴰⴹ.
- ⴰⵥⴱⴱⴰⵕ :
- ⴱⵓⵎⵣⵡⵉ :
- ⵜⴰⵅⵏⵏⴰⴳⵉⵜ (ⵏⵖ ⵍⵅⵏⵏⴰⴳⵉⵜ) :
- ⵜⴰⴼⵓⵔⵉ :
- ⵜⴰⵜⵓⵏⵢⴰ (ⵏⵖ ⵜⴰⵜⵉⵏⵢⴰ) :
- ⵙⵔⵔⵙⵜⴰⵎ
- ⴰⴹⴹⵕⵖⵍ: ⵜⴰⵎⴰⴹⵓⵏⵜ ⵉⴽⴽⴰⵜⵏ ⵜⵉⵡⴰⵍⵍⵉⵏ, ⴰⵔ ⴳⵉⵙ ⵉⵜⵜⵓⴷⵓ ⵉⵥⵕⵉ ⵏ ⵓⵎⵓⴹⵏ.
- ⵉⵚⵉⴹ: ⵜⴰⵎⴰⴹⵓⵏⵜ ⵉⴽⴽⴰⵜⵏ ⴰⴼⴳⴰⵏ ⴰⴽⵓⴷ ⵏⵏⴰ ⵉⴳⴳⵔ ⵏⵖ ⴰⴽⵓⴷ ⵏⵏⴰ ⴳ ⵜⵉⵖⴱⵉ ⴽⵔⴰ ⵏ ⵓⵎⵓⴷⵔ ⴳ ⵉⵍⵍⴰ ⵓⴼⵉⵔⵓⵙ ⵏ ⵜⵎⴰⴹⵓⵏⵜ ⴰⴷ, ⵣⵓⵏ ⴰⵢⴷⵉ, ⴰⵙⵔⴷⵓⵏ ⴷ ⴰⵖⵢⵓⵍ
- ⴰⵏⵓⴼⵍ (ⵏⵖ ⴰⵎⵎⴰⵄⴹⵕ ⵏⵖ ⵉⵚⵉⴹ ⵏⵖ ⴷ ⴰⴽⴽʷ ⴰⵅⵅⵍⵓ): ⵜⴰⵎⴰⴹⵓⵏⵜ ⵏ ⵓⴼⴳⴰⵏ ⵎⵉ ⵉⵍⴰⵃ ⴰⵏⵍⵍⵉ (ⵍⵄⴰⵇⵇⵍ) ⵏⵏⵙ.
- ⴰⵅⵓⴼⵜⵓ: ⵜⴰⵎⴰⴹⵓⵏⵜ ⵏ ⵓⴼⴳⴰⵏ ⵓⵔ ⵙⵓⵍ ⵉⵣⵣⴳⴰⵏ ⵢⴰⵜ, ⵓⵔ ⵙⵓⵍ ⴰⵔ ⵉⵙⵡⵉⵏⴳⵉⵎ ⵎⵣⵢⴰⵏ ⵓⵍⴰ ⴰⵔ ⵉⴽⴽʷⵜⵜⵉ (ⵉⵜⵜⵄⴰⵇⵇⴰⵍ) ⵎⵣⵢⴰⵏ (ⴰⵎⴰⵜⴰ ⵏ ⵢⵉⵎⵓⴹⴰⵏ ⴳⴰⵏ ⵎⵉⴷⴷⵏ ⵉⵎⵇⵇⵓⵔⵏ ⵖ ⵍⵄⵎⵕ).
- ⴰⴷⴷⵓⵀⴷⵓ: ⵜⴰⵎⴰⴹⵓⵏⵜ ⵏ ⵓⴼⴳⴰⵏ ⵎⵉ ⵉⴼⵜⴰ ⵓⵏⵍⵍⵉ (ⵍⵄⴰⵇⵇⵍ) ⵏⵏⵙ ⵉⵎⵉⵇⵇ ⵢⴰⵖⵓⵍ ⴷ (ⵣⵓⵏ ⴷ ⴽⵔⴰ ⵏ ⵢⴰⵏ ⵉⵙⴽⵔⵏ ⴽⵔⴰ ⵏ ⵓⵏⴳⴰⵙ (ⵍⴽⵙⵉⴷⴰ)).
ⵍⵇⵓⵙⵓⵏⵉ
ⵙⵏⴼⵍⵖ ⵎⴰ ⵉⵣⵔⵉⵏ, ⵍⵍⵉⵖ ⵓⵔⵜⴰ ⵍⵍⵉⵏ ⵉⵙⴳⵏⴰⴼⵏ, ⴰⴽⵓⴷ ⵏⵏⴰ ⴷ ⵉⴽⵛⵎ ⴽⵔⴰ ⵏ ⵡⴰⵟⵟⴰⵏ ⵙ ⴽⵔⴰ ⵏ ⵜⵎⴰⵣⵉⵔⵜ, ⴷⴰ ⵙⴽⴰⵔⵏ ⴰⵢⵜ ⵜⵎⴰⵣⵉⵔⵜ ⵢⴰⵜ ⵜⴳⵎⵎⵉ ⴰⵔ ⴳⵉⵙ ⵙⵎⵓⵏⵓⵏ ⵡⵉⵍⵍⵉ ⵢⵓⴹⵏⵏ ⵙ ⵜⵎⴰⴹⵓⵏⵜ ⴱⴰⵛ ⴰⴷ ⵓⵔ ⵙⴳⵉⵜⵙⵏ ⵜⵎⵎⴰⵜⵜⵉ ⵜⵎⴰⴹⵓⵏⵜ ⵙ ⵎⵉⴷⴷⵏ ⵢⴰⴹⵏⵉ, ⵜⵉⴳⵎⵎⵉ ⴰⴷ ⵉⵙⵎ ⴰⵙ "ⵍⵇⵓⵙⵓⵏⵉ". ⴰⵔ ⵜⴳⴰⵡⴰⵔⵏ ⵉⵎⵓⴹⴰⵏ ⵖ ⵍⵇⵓⵙⵓⵏⵉ ⴰⵔ ⵉⵖ ⵊⵊⵉⵏ ⵏⵖ ⵎⵎⵓⵜⵏ.
- ⵜⵉⵕⵕⵥⵉ : ⴰⵔ ⵏⵜⵜⵉⵏⵉ ⵉⵕⵕⵥⴰ ⵉⵖⵙⵙ
- ⴰⴼⵜⵜⴰⴽ (ⵏⵖ ⴰⵍⵍⵖⵣⵎ) : ⴰⵔ ⵏⵜⵜⵉⵏⵉ ⵉⴼⵜⴽ (ⵏⵖ ⵉⵍⵍⵖⵣⵎ) ⴽⵔⴰ ⵏ ⵢⴰⵏ, ⵉⴼⵜⴽ ⴰⵙ ⵓⴹⴰⵕ ⵏⵖ ⴰⴼⵓⵙ, ⴰⴽⵓⴷ ⵏⵏⴰ ⵉⵎⴼⴰⵡⴰⵜ ⵉⵖⵙⵙ ⵙⴳ ⵓⴷⵖⴰⵔ ⵏⵏⵙ ⵎⴰⵛⵛ ⵓⵔ ⵉⵕⵕⵥⵉ.
-
ⵜⴰⵡⵍⴰⴼⵜ ⵙ ⵉⵥⵏⵥⴰⵕⵏ ⵏ ⵅ ⵏ ⵓⴼⵓⵙ ⵉⵕⵕⵥⴰⵏ -
ⴰⵏⴰⵡⵏ ⵏ ⵜⵉⵕⵕⵥⵉ
ⵥⵕ ⵓⴳⴳⴰⵔ
ⵙⵏⴼⵍⵉⵙⴰⵖⵓⵍⵏ
ⵙⵏⴼⵍ
ⴰⵎⴳⵔⴰⴷ ⴰⴷ ⵉⵇⵇⵉⵎ ⵙⵓⵍ ⴷ ⴰⵎⵓⴷ. ⵜⵥⴹⴰⵔⴷ ⴰⴷ ⵜⴰⵡⵙⴷ ⵉ ⵡⵉⴽⵉⴱⵉⴷⵢⴰ ⴳ ⵓⵙⴱⵓⵖⵍⵓ ⵏⵏⵙ.
